Angiin kanganga aika a irekereke ma social networking/social media, a riki man mwaitia aomata ao, ao n angin te tai, bon reitakim ma aomata aika ko aki kinaia, ao ngkana e aki tararuaki raoi te tabo ni bowi.
Kanganga
- Kaotakin rongorongo aika a taburoroko n akean te atatai iroum, raom ni mwakuri, customers, raoraom ke am contacts.
- Kaotakin rongorongo aika a taburoroko ni bon nanom ibukin te karekemwane, te iraa, kimoakin kinakin te aomata, ke kabuakakan temanna.
- Rotakin temanna n te mwakuri ni ioawa, ririmwian temanna n akean ana kariaia, kaunakiia aomata, ao tabeua riki mwakuri n ioawa iaon te intanete.
- Karaoan te mwakuri ni ioawa, ririmwian temanna n akean ana kariaia, kaunakiia aomata, ao tabeua riki mwa uri n ioawa iaon te intanete iroun te tia ioawa.
- Norakin kanoan katanoata aika a aki raoiroi man te katomatoma ke iaon te tweets.
- Phishing emails man taabo n reitaki iaon te intanete, a kaungako bwa ko na kawari websites aika a kewe ke a aki raoiroi.
- Kaungakim n rin n websites aika a kewe ke a aki raoiroi man aia katanoata ke tweets raom ni mwakuri, customers, suppliers, raoraom ao aomata riki tabeman.
- Aia mwakuri taan iraa, taan kimoai rongorongom ke taian hacktivists, n rinnako n am account ke am page.
- Iai taian malware n taian attachments aika a airi ma rongorongo ke tamnei.
Social networking/ social media iaon te intanete ae e mano, tamaroa ao a onimakinaki
E kona am kambwana ao am taan mwakuri n totokoi kanganga aikai ao kabonganai raoi social media man irakin tabeua kainibaire aika a tamaroa. Uringnga bwa irakin raoi nanon kainibaire ibukin social networking/social media n taabo ni mwakuri, a rang n titebo raoi ma ake ko bon kakaraoi ibukim.
- Anga te kariaia ibukin te rin nakon ana social media accounts am kambwana ti nakoia ake a kainnanoia ke a tia n reiakinaki aron kabonganakina.
- Karaoa ao kateimatoa tauan mwiia aomata aika a rin ao n te social media account raa, ao waekoa ni tuuka rinia taan mwakuri ke contractors ngkana a kitana te bitineti.
- Ngkana ko iangoa kabonganan taian apps ibukin te Twitter, Facebook, LinkedIn ao LinkedIn accounts, ti kabonganai ake a bongana ao a kainnanoaki, ao tiatiana kabonganakia ibukina bwa a rang ni mamatanaki ibukin te hacking.
- Taratara raoi ngkana ko katokai rongorongo aika a taburoroko ibukin am bitineti, directors, taan mwakuri ke customers – n am profile ke n am posts/tweets.
- Kabonganai passwords aika a kanganga.
- Tera ae toka iaon te intanete e tiku iaon te intanete. Ngkoe ma raom ni mwakuri, kam na riai n taratara raoi imwain ae kam katokai ami kakaraki ke tamnei aika a kona ni manga karekei kanganga rimwi, nakon te bitineti ke rabwata riki tabeua.
- Tutuoa raoi bwa tera ae a katokai bitineti tabeua ao aomata ibukim, ke aia kaeka nakon am posts.
- Reireniko aron kabonganan raoi websites. Kabonganai bwaina ibukin karaban rongorongo aika a kakawaki b a ko aonga n titiana rinia aomata n am profile. Taraia raoi bwa antai ae ko karinna n am network.
- Taraia raoi bwa kam tututuoi raoi phishing, vishing ao tabeua riki mwakuri ni kamwane ao n totokoa aia waaki ibukin karekean taian passwords ibukin te social media.
- Taraia raoi bwa a mwakuri raoi ao a tia n kabouaki am internet security software ao am firewall imwain ae ko online.
- Tarataraa raoi maanin aia tai n aki karaoa aia mwakuri taan mwakuri / raom ni mwakuri ao aia tai ae a kabanea iaon websites aika a aki irekereke ma te mwakuri, n te aro are ko kona n noori bwai aika a karaoi iaon te intanete.